ရန်ကုန်သမဝါယမဒေသကောလိပ်အဆင့်မှ ရန်ကုန်သမဝါယမဒီကရီကောလိပ်သို့ အဆင့် မြှင့်တင်သည့်အချိန်မှစ၍ ဥပဒေပညာဌာနကို စတင်တည်ထောင်ခဲ့ပါသည်။ ဥပဒေပညာဌာနသည် ရန်ကုန်တက္ကသိုလ်၊ ဥပဒေပညာဌာနနှင့် တွဲဖက်ဆက်နွယ်ပေါင်းစည်းထားသော အထောက်အကူ ပြုဌာနတစ်ခုလည်းဖြစ်ပါသည်။ ယခင်ကဥပဒေပညာဌာနသည် ဝိဇ္ဇာဘွဲ့ (စီးပွားရေးသိပ္ပံ) တွင် ကူးသန်းရောင်းဝယ်ရေးဆိုင်ရာ ဥပဒေဘာသာရပ်တစ်ခုတည်းကိုသာ သင်ကြားခဲ့ပါသည်။

ဥပဒေ ပညာဌာနအနေဖြင့် (၂၀၁၄-၂၀၁၅) ပညာသင် နှစ်တွင် တက္ကသိုလ်အဖြစ် အဆင့်မြှင့်တင်ပြီး သောအခါမှစ၍ အထူးပြုဘာသာရပ်များ အားလုံးတွင် စီးပွားရေးသိပ္ပံဘွဲ့အတွက် စီးပွားရေး ဆိုင်ရာဥပဒေဘာသာရပ်ကို သင်ကြားခဲ့ပြီး၊ ဒေသဆိုင်ရာဖွံ့ဖြိုးမှုပညာမဟာဘွဲ့အတွက် လယ်ယာ မြေဥပဒေကို သင်ကြားပါသည်။ ယခုလက်ရှိတွင် ဥပဒေပညာဌာန၌ ပါမောက္ခ(ဌာနမှူး) (၁) ဦး၊ ကထိက (၂) ဦး၊ လက်ထောက်ကထိက (၂) ဦး၊ ၊ နည်းပြ (၁) ဦး ၊ စုစုပေါင်းဆရာမ (၆) ဦး ဖြင့် သင်ကြားရေးလုပ်ငန်းများကို ဆောင်ရွက်လျက်ရှိပါသည်။

ယခုအခါတွင် ဥပဒေပညာဌာနသည် ဘွဲ့ကြိုနှင့် ဘွဲ့လွန်သင်တန်းများကို အထောက်အကူပြုသည့်ဌာနအဖြစ်သာမက လူ့စွမ်းအား ဖွံ့ဖြိုး တိုးတက်ရေးအစီအစဉ်အတွက် စီးပွားရေးလုပ်ငန်းဆိုင်ရာဥပဒေ အသိအမှတ်ပြုသင်တန်းကို အများပြည်သူအတွက် အခမဲ့(အွန်းလိုင်း)ဖြင့် ပို့ချပေးနေသော ဌာနတစ်ခု ဖြစ်ပါသည်။